اخر صيحة للتعاكيس في الشارع

خرجت ( انت ) من الحوش واتجهت إلى الجامعة أو البلاد أو شارع الجرابة او قرقارش أو طريق الشط وأيضا الطبي

وبينما أنت تلصلص عيونك هنا وهناك وكاسر ودنك هنا وهناك لفتت نظرك وحده خاطمة ووراها كوبية ولاد ... وسمعت كلام غير طبيعي وهو ما نسمية بالتعاكيس .



فما هيا التعاكيسة التي لفت نظرك او ضحكاتك أو فدداتك أو عجباتك
؟؟؟؟


بالنسبة للي القطتهم انا قسمين ..قسم 1 وقسم 2

وهدا قسم واحد على اساس جدد :

+ وحده خاطمة واتكوش علي الجماعة : اللي ايقيم خشمة فوق اتبان خنانته يا ماما

+ وحده خاطمة بروحها في الصبح : صباح الورد يا ورد ... وانا انقول الدنيا امنورة ع الصبح يا صبح

+ وحده خاطكة وصقع للمليون : قروب ولاد في جرتها وايقولو ..تسو انشو تشو ..هدا شنو .. قالو الاميرة ديانه ماتت ..الباين اشاعات

+ حاجة خاطمه ومعاها بنتها : ربي ايصون يا حاجة ..بيعي الورد لا يدبل وبخريها كل مرتين يوم

+ وحدة خاطمة وكلها ألوان : شنو ستار اكاديمي بداااااا


وتو قسم 2 جو الشعابيط :

- وحدة خاطمة لا بيها لا عليها : دهبي واتي وحوشي واتي ومعاشي زادوه ( مع طرحت سروال قماش وسورية كاكي )

- وحدة لابسة أحمر وأكحل : أوف عليا من البنبرتين يا مضاد حيوي

- زوز خاطمات بروحهم : أحلى وحده فيكم الوسطية

- وحده خاطمة مؤدبة : تتزوجيني ..نغسلك الماعين وانصوبلك وانسيقلك وانطيبلك الغدا غير قولي باهي

- وكمشة بناويت خاطمات : أحلى وحده اللي لابسة الكندرة الحمراء ( ويبدو ما فيش ولا وحده فيهم لابسه كندرة حمرا )


وتو انتو اهاتو ما عندكم واتحفونا

امنور ياغالي